👩🏻香港媽媽在台灣的育兒心得 — 【 從出生到周歲（即係一歲）篇 】Part 1 #文長慎入 #Eda育兒心得
今天是農曆中秋節，也是我女兒農曆的一歲生日！對，去年她就是中秋正日出生！（那麼快就一年了，媽媽要感動流淚了😭！我就這樣的失去了一年自由🤣🤣）
我為她取名昇月，寓意The Rising Moon 🌝 一年中最大最圓最光的月亮🌕
［文化差異get ✅］雖然台灣和香港只是一個多小時的飛機距離，但是有一些台灣的生兒育女傳統，對於我這個香港人實在是從來沒有聽過！
一年走過了，我們來總結一下所有🇹🇼有趣的習俗㊗️！！（轉香港人tone)
*******************************************
【 📒媽媽手冊】- 發現懷孕後每個媽媽都會得到的如聖經般神聖的東西
💝喺台灣生仔，第一次產檢之後佢會比一本叫做「媽媽手冊」嘅嘢你！
無錯，呢本手冊係計我小學以來再一次得到嘅一種手冊！
呢本手冊就好似聖經一樣神聖！攞住佢，你可以有好多着數，有啲你講都唔信！
例如你就係行入藥房show 本野出嚟問佢攞媽媽禮，咁就會有啲尿片試用裝啊奶粉試用俾你～
亦都可以網上面申請好多嬰兒用品嘅試用product ~ 唔使錢連運費都慳返送到你屋企！不過通常我填到一半覺得好煩就放棄⋯
攞住手冊仲可以參加好多媽媽教室，有啲係醫院辦嘅，月子中心辦嘅，或者嬰兒產品食品公司辦嘅；由於你用咗兩粒鐘去聽佢哋啲講座，當然有啲係有意義嘅，所以媽媽教室嘅禮物就更加之誇張同激動，通常都係一大袋！
仲可以喺網上面申請月子餐試食，又係送到去你屋企門口，三餸一湯一燉品～
總括而言，覺得台灣生仔方面嘅福利真係唔錯。
最有趣嘅係睇到有啲媽媽以攞到最多嘅着數為懷孕嘅樂事！會喺forum 分享佢哋懷孕十個月裏面免費攞到嘅所有產品！驚都係可以有百幾二百塊尿片，好多奶樽好多奶嘴好多毛巾⋯ 為教育基金慳咗唔少錢！！
*******************************************
【 🏡月子中心】- 產後一個月讓媽媽全面休息的地方，初生寶寶可以二十四小時放在育嬰室讓護理人員照顧（當然他們會鼓勵你親餵）- 通常住一個月，也有人選擇21天（3weeks )， 28天(4weeks)這樣
💝這方面台灣真是福地！！月子中心應該是世上最偉大發明之一！
相對起在外國生孩子後在醫院休息數小時就要回家⋯ 或者可能在香港剖腹產子也只是休息兩三天就要帶寶寶回家⋯
首先媽媽兩三日時間係復原唔到，面對脆弱的新生兒也完全無所適從！
台灣月子中心就是媽媽出院後的天堂～
就好似着高級酒店🏡咁，你🍳🍲🍚🍵🥛一日三餐連湯水連補品連發奶水所有野都會由佢哋幫你準備。媽媽們只需要放心休養和吃好住好！
👶🏻寶寶有專業的醫護團隊二十四小時照顧。有一些月子中心也可以在房間內的電視看到育嬰室的情況！
💛月子中心內也有通乳師、醫師、按摩師、洗髮師定期安排照顧媽媽的身心靈😃
💚每星期也有不同的育兒課程讓媽媽放心帶寶寶回家，包括嬰幼兒按摩、小童發展概況、為寶寶洗澡、副食品的準備～
聽過有爸爸在孩子出世時沒有哭⋯ 但是帶寶寶你開月子中心時就哭了⋯ （姐能理解🤣）
*******************************************
【 🍽月子餐】- 談談香港和台灣月子餐的分別
💝如果香港坐月最出名係豬腳薑！台灣月子餐食得最多應該係麻油雞！！其實唔止麻油雞；佢哋伸會用麻油煎蛋，麻油湯、麻油豬肝⋯ 可能好補卦⋯ 傳統智慧呢啲野我都係會月子中心煮咩我盡量食⋯
當然你好唔鍾意食嗰樣嘢同月子中心講，佢哋都會根據你嘅飲食喜好幫你調配！！我只見到我隔離房個媽媽每餐叫多咗兩三碗飯😮
我連半碗都食唔哂～ 因為每一餐都至少有兩碗補湯，兩個餸，一碟菜，仲可以食多三碗飯實在太利害了⋯
*******************************************
【 🎁胎毛筆和臍帶章 】- 用寶寶第一次剃頭的頭髮造成毛筆；用寶寶的臍帶造成印章
💝我係兩樣都冇整嘅⋯
首先我覺得有咗小朋友屋企已經會多好多好多設備⋯ 我會減少加添一些不實用的東西⋯
例如一支我一定唔會用嘅毛筆🤣
🚨［臍帶小插曲］有一日凌晨係月子中心瞓緊覺，護士好緊張咁樣打去我房話：媽媽，我唔見咗你寶寶嘅臍帶⋯ （ok, 未生過仔嘅人可能無法理解，bb嘅臍帶需要可能兩三天至一星期的時候才會自然脫落）
Errrrrr .......
我心諗咁又點⋯
條臍帶關我咩事？
👉🏻我晏晝換片嘅時候見佢自然脫落連包尿片掉咗⋯
護士姐姐放下心頭大石 🍃
佢話好多台灣媽媽對於臍帶非常珍惜，認為是媽媽和寶寶的最親密連結。易會珍而重之的弄成臍帶章保留⋯ 有一次護士沒有一個寶寶留意臍帶脫落而連尿布掉了⋯ 媽媽爸爸總動員去垃圾房找🙀
Ok .... 怪唔之得護士佢咁緊張⋯ (記錄到呢度開始手有啲攰，下次係咪應該拍影片⋯ 那麼多文字大家會看嗎🤣？）
*******************************************
【 🍚🍰瀰月油飯和蛋糕 】- 滿月嘅時候送俾親朋戚友嘅嘢食
大部份生男仔會送瀰月油飯（好似糯米飯咁嘅味），生女仔送瀰月蛋糕～亦都可以crossover ~
👉🏻呢個時候用你本媽媽手冊，去好多Cake shop或者賣油飯店舖，就可以試食佢哋嘅瀰月產品～ 通常份量都唔細！試食套裝有六舊蛋糕，油飯試食盒係成盒又有蛋又有雞髀咁⋯ 一d都唔hea~
Part 2 繼續講滿四個月嘅【收涎】儀式同滿一歲既【抓周】活動 介紹～
-
香港的媽媽們有趣嗎？！
台灣的媽媽們～ 知道你們是很幸福的嗎😊
Search